Samantekt um þingmál

Opinber stuðningur við vísindarannsóknir

411. mál á 149. löggjafarþingi.
Mennta- og menningarmálaráðherra.

Markmið

Að styrkja stefnumarkandi hlutverk Innviðasjóðs. Að laga reglur Rannsóknasjóðs að alþjóðlegu umhverfi vísindarannsóknum á Íslandi til framdráttar.

Helstu breytingar og nýjungar

Lagt er til að stjórnir Innviðasjóðs og Rannsóknasjóðs séu aðskildar. Gert er ráð fyrir að tenging Innviðasjóðs við stefnumörkun stjórnvalda verði styrkt. Að auki er lagt til að Rannsóknasjóði verði heimilað að taka þátt í alþjóðlegri samfjármögnun sem getur m.a. falið í sér greiðslur til aðila erlendis og að ákvörðun um styrkveitingu skuli byggð á faglegu mati aðila sem ekki heyra undir fagráð Rannsóknasjóðs. Með slíkri heimild yrði verklag Rannsóknasjóðs samræmt verklagi sambærilegra sjóða erlendis.

Breytingar á lögum og tengd mál

Lög um opinberan stuðning við vísindarannsóknir, nr. 3/2003.

Kostnaður og tekjur

Ekki er gert ráð fyrir áhrifum á ríkissjóð.

Afgreiðsla

Samþykkt óbreytt.

Aðrar upplýsingar

Innviðasjóður.


Stefna og aðgerðaáætlun Vísinda- og tækniráðs 2017-2019. Mennta- og menningarmálaráðuneyti, júní 2017.



Síðast breytt 07.05.2019. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.

Um samantektir

Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.

Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.

Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.

Ferill málsins

  • Stjórnarfrumvarp
  • 1. umræða
  • Nefndarálit
  • 2. umræða
  • 3. umræða
  • Lög